Да родителството е огромен благослов и тоа не е спорно, но исто не е спорен ни моментот дека има мигови во кои ќе посакате да избегате од сите обврски.
Денеска ќе се задржиме повеќе на вторите.
1. Ќе има моменти кога нема да можете да поднесувате деца
Сите ги познаваме оние родители кои тврдат дека родителството е прекрасно постојано, но претеруваат. Да се биде родител е прекрасно, но понекогаш децата прават да посакаме да вреснеме. Секој ден се случува нешто, а не постои копче за исклучување и мора постојано да бидеме на штрек.
Ќе има многу моменти во кои ќе посакате да се одморите од своите деца. Ќе има и моменти во кои ќе правите работи од кои ви доаѓа да ја кубете косата. Единствено што можеме да направиме е да се потсетиме на нашето сопствено детство и да се обидеме да размислуваме за вистинската одлука. Нашата улога како родители е да ги учиме и да ги водиме, за да го откријат и развијат она што ги прави посебни.
2. Тоа е доживотна работа, 24/7 посветеност
Кога решаваме да имаме деца, знаеме дека е за цел живот, но она што не го сфаќаме е дека ќе мора да бидеме на располагање 24 часа, 7 дена во неделата и тоа никогаш нема да заврши. Дури и кога ќе пораснат, погодете на кого ќе се јавуваат кога имаат проблем?
Бидете подготвени да ги поставувате потребите на децата пред своите. Не е потребно да ги знаете сите одговори и да имате решение за сè, но треба да сте рамото на кое ќе си поплачат. Треба да одделите време и за себе, се разбира, но прифатите дека сте се зафатиле со нешто поголемо од вас и вашите потреби.
3. Нема универзално решение за сите проблеми
Ќе беше одлично, ако можевме да користиме исти методи секој пат. За жал, секое од децата е различно и со секое треба да се работи на начин кој најдобро одговара на неговата индивидуалност. Да се обидуваш да се однесуваш со сите на ист начин може да донесе само дополнителен стрес.
Треба да ги научиме дека се посебни токму такви какви што се. Постојат многу родители кои ги учат децата да живеат во одредени рамки, но токму надвор од нив е зоната во која се случуваат чуда.
4. Нема да ви помогнат ниту сите книги за родители на светот
Има книги, од кои можете да научите некои работи. Но, генерално, родителството е уникатно искуство и нема книги за сите откачени ситуации на кои што ќе наидете.
Многу нешта ќе дознаете сами, од сопствените грешки. Можете да прочитате некои книги, за да бидете подготвени, но уште поважно е да научите брзо да стоите на нозе и да го очекувате неочекуваното. Напишете свој план и враќајте се кон него по потреба.
5. Родителството ќе ве натера да си поставувате чудни прашања
Да се биде родител е тешко и не се делат награди за добро завршена работа. Понекогаш ќе се прашувате зошто воопшто ви требаше да имате деца. Но, и покрај лудилото и хаосот, децата се одлична забава и вистинска љубов.
Децата се радост и привилегија. Тие се нашето наследство и оние кои ќе го предадат нашето наследство на следната генерација. Многу луѓе би сакале да се родители, но ја немаат таа можност. Можноста да имаме деца е нешто за кое што секогаш треба да бидеме благодарни, дури и во најтешките моменти.
Би било добро, ако сè во однос на родителството се одвиваше според планот, но тоа се случува само на филмовите. Во моментите во кои се бара да ги искубете косите, отстапете назад и дишете длабоко.
Одморете малку или послушајте музика, едноставно запомнете дека сè ќе биде во ред. Не се плашете од хаосот и направете го најдоброто на кое што сте способни. Овие мали ваши рефлексии ќе бидат вашата награда, и навистина, вреди.
