Новото Audi R8 Spyder V10 има своја светска премиера на меѓународниот салон во Њујорк.
Максимална моќ од 540 коњски сили, 540 Nm вртежен момент, од 0 до 100 km/h за 3.6 секунди и максимална брзина на движење од 318 km/h, тежина само 1.612 килограми, се основните параметри на кои ќе можат да се потпрат идните сопственици на новото Audi R8 Spyder V10 кое блеснува во полн сјај на салонот во Големото јаболко. Моторот со зафатнина од 5.2 литри на Audi R8 Spyder V10 е комбиниран со седумстепена роботизирана менувачка кутија S tronic и со модифициран систем за погон на четири тркала quattro.
Двоседот Audi R8 Spyder V10 има преклоплив покрив, кој може да биде отворен / затворен при брзина на движење од 50 km/h, а целата процедура трае околу 20 секунди.
