Кога се споменува никотин, првото нешто што паѓа на ум е пушењето и како тоа влијае врз организмот. Никотинот е супстанца која предизвикува зависност и се разбира дека не е без ризик. Многу луѓе поставуваат знак за еднаквост помеѓу никотинот и цигарите, но тоа е многу погрешно. Во продолжение неколку факти кои разјаснуваат многу:
1. Никотинот не е примарен причинител за болести поврзани со пушењето. Ова недвосмислено го потврдуваат голем број научни истражувања. Токсините и канцерогените материи кои се создаваат во чадот од цигарите, при согорувањето, а не никотинот, предизвикуваат болести за кои главен причинител се смета пушењето.
2. Чадот од цигари, покрај никотинот, содржи повеќе од шест илјади различни штетни и потенцијално штетни материи. Чадот од цигари содржи и високи количини на јаглерод моноксид кои го зголемува ризикот од кардиоваскуларни болести.
3. Пушачите, од една цигара апсорбираат приближно 0,1 милиграм никотин, а за да дојде до фатално труење со никотин, пушачот треба да консумира 400 цигари или 20 кутии, една по друга.
4. Никотинот е најконцентриран во тутунот, но не е присутен само таму. Го има и во храната што секој од нас ја консумира речиси секој ден. Се наоѓа во ниски проценти во доматите, компирите, пиперките, па дури и во модриот модар патлиџан, но исто така и во гоџи бобинките, кои се сметаат за „супер храна“.
5. Пушењето цигари е докажано најштетниот начин за задоволување на телесната потреба од никотин кај пушачите, токму поради чадот кој се создава при процесот на согорување.
6. Никотинот може да дејствува и како стимуланс и смирувачки, во зависност од околностите и количината која се внесува. Ова може да се објасни зошто некои пушачи велат дека цигарите им даваат енергија и ја стимулира нивната ментална активност, додека други тврдат дека пушењето им ја ублажува анксиозноста и ги релаксира.
Иновациите во тутунската индустрија и научните достигнувања го променија начинот на кој живееме. Современата технологија на нуди можност на сите полнолетни пушачи да изберат алтернатива како производите без чад, кои го загреваат тутунот, наместо да го согоруваат, со што се елиминираат до 95 проценти од штетните материи кои се наоѓаат во чадот од тутунот. Сепак, треба да се напомене дека овие производи не се без ризик, ослободуваат никотин кој предизвикува зависност, но претставуваат подобар избор за возрасните пушачи, кои инаку би продолжиле да пушат.
