Кошаркарите на Денвер Нагетс на домашен терен ги победија Голден Стејт Вориорс со 119:115, враќајќи се во мечот од негативата од 11 поени.
Во вторникот вечерта Голден Стејт ја освоија Западната група Ц на НБА Купот со резултат од 3-1 и се пласираа во нокаут фазата. Денвер заврши со скор 2-2.
Никола Јокиќ постигна 15 од своите 38 поени во последната четвртина. Јокиќ имаше и 10 скока, шест асистенции и пет украдени топки. Мајкл Портер Џуниор постигна 22 поени, а Арон Гордон 15 поени. За Вориорс, кои играа без Дрејмонд Грин (повреда на потколеницата), ова е петти последователен пораз. Не им помогнаа ниту 24 поени и 11 асистенции на Стивен Кари. Него го следеше Џонатан Куминга со 19 поени.
Лос Анџелес Клиперс ја продолжија својата домашна победничка серија на девет натпревари со победата од 127:105 над Портланд Трејл Блејзерс во вторникот вечерта, предводена со 30 поени на Норман Пауел. Џејмс Харден додаде 23 коша со седум асистенции. Кај Портланд најдобар беше Деандре Ајтон со 16 поени, а Шедон Шарп и Дени Авдија додадоа по 15 поени.
Во последниот натпревар по групи од НБА Купот за двете екипи, Блејзерси со пораз беа елиминирани од нокаут рундата, додека Клиперс се пласираа понатаму.
Се чинеше дека Лос Анџелес ќе побегне рано, бидејќи поведоа со двоцифрено водство пред средината на првата четвртина и водеа со дури 12 на почетокот на третата четвртина. Портланд се собра за да поведе нешто повеќе од две минути во втората четвртина. Клиперс водеа со 63:58 на полувремето, а потоа во третата четвртина водеа со 11:0 и поведоа со 83:70. Лос Анџелес во последниот период влезе со предност од 91:78. Џордан Милер од Клиперс постигна пет поени во серија од 8:0 на почетокот на четвртата четвртина, додека Лос Анџелес ја зголеми предноста на 99:78 со преостанати 10,03 минути и не ја испушти до крајот.
Милвоки Бакс ја обезбедија четвртата победа во источната група Б совладувајќи ги синоќа Детроит Пистонс со 128:107. Јанис Адетокумбо впиша 28 поени, осум асистенции и седум скока во гостувањето на Милвоки, кои на 10-ти декември ќе го играат четвртфиналниот натпревар против Орландо Меџик на домашен терен.
Њујорк Никс ја освоија источната група А во НБА Купот откако синоќа на домашен терен ги совлада Орландо Меџик со 121:106. До победата ги предводеше Карл-Ентони Таунс со 23 коша и 15 скока. Џош Харт додаде 11 поени, 13 скока и 10 асистенции за Никс, кои завршија со скор 4-0 во групата А и следната седмица во четвртфиналниот натпревар ќе му гостуваат на шампионот од Источната група Ц – Атланта Хокс. Франц Вагнер постигна 30 поени, а Мориц Вагнер постигна 20 поени и 12 скока за Меџик (3-1 во натпреварот од групата А), кои обезбедија место во Источната конференција со вајлд-карта. Орландо следната седмица ќе гостува кај шампионот на Исток Б, Милвоки Бакс.
Торонто Репторс на домашен терен ги победија Индијана Пејсерс со 122:111, а двата тима останаа без пласман во продолжението од НБА Купот. Торонто играњето по групи во НБА Купот го заврши со резултат 1-3, а Индијана 0-4. Кај Торонто најдобар беше Скоти Барнс со 35 поени, девет асистенции и шест скока. Торонто водеше со дури 24 поени на средината на третата четвртина пред Индијана да ја намали негативата на само два на 6,36 во четвртата четвртина.
Пласман во четвртфиналето обезбедија и Оклахома Сити Тандер, кои синоќа на домашен терен ги совладаа Јута Џез со 133:106. Џејлен Вилијамс постигна 28 поени, а Шаи Гилџеус-Александер имаше 26 за Оклахома Сити, која заврши со 3-1 во групата Запад Б. Џезерите го завршија турнирот без победа и го загубија својот петти последователен натпревар севкупно.
Далас Маверикс во последната четвртина ја надмина негатива од 15 поени и го победи гостинскиот Мемфис Гризлис со 121:116. Победата ја обезбеди Лука Дончиќ со 37 поени и 12 скока, а ПиЏеј Вашингтон додаде 18 поени, осум скока и седум асистенции. Клучни „тројки“ во последните минути за Далас постигна Спенсер Динвиди, кој заврши со 16 поени. Динвиди со „тројка“ при 1,40 ги донесе Мавс во водство од 113:111, а потоа тој погоди „тројка“ на следниот посед. Џа Морант имаше рекордни 31 поен за Гризлис, кои ја прекинаа нивната најдобра серија од шест победи во сезоната. Гризлис и Маверикс го одиграа последниот натпревар од групната фаза на НБА Купот. Со победата, Мавс се подготвени за пласман во четвртфиналето на Западот.
Феникс Санс на домашен терен ги победија Сан Антонио Спарс со 104:93, а Девин Букер постигна 29 поени, девет скока и пет асистенции за победничкиот тим. Санс победија по третпат во четирите натпревари и покрај тоа што беа без Кевин Дурент во вториот дел. Дурент го истегна левиот зглоб во втората четвртина и постигна 13 поени за 16 1/2 минути пред излегувањето од игра. Букер со својот прв кош на натпреварот ја мина бројката од 15.000 поени во кариерата. Вечерта ја заврши со 15.028 кошеви. Санс, кои се во западната група Б со скор од 3-1, останаа во комбинација за четвртфиналето, но со вајлд-карта. Оклахома Сити Тандер (3-1) ја освои групата со победата над Санс.
Сакраменто Кингс го победи Хјустон Рокетс со 120:111. Домантас Сабонис ги предводеше Кингс со 27 поени, Демар Дерозан постигна 13 од своите 16 поени во третата четвртина. Де’Арон Фокс додаде 22 поени за Сакраменто, кој победи првпат во четирите натпревари во НБА Купот. Џејлен Грин постигна рекордни за него 28 поени, а Алперен Сенгун постигна 24 за Хјустон, кој ќе им биде домаќин на Голден Стејт во четвртфиналниот натпревар на 11 декември.
Филаделфија 76ерс на гости ги победија Шарлот Хорнетс со 110:104. Пол Џорџ постигна 29 поени за Филаделфија, која славеше иако во вториот дел загуби предност од дури 19 поени. Брендон Милер собра 34 поени, а Ник Ричардс имаше 22 поени и 14 скока, но Хорнетс го загубија шестиот последователен резултат.
Кливленд Кавалирс им го нанесоа 15-от последователен пораз на Вашингтон Визардс, совладувајќи ги на домашен терен со 118:87. Донован Мичел и Еван Мобли постигнаа по 19 поени за Кливленд, кој го има најдобриот скор од 19-3 во НБА. Џордан Пул, Буб Карингтон и Јонас Валанчиунас постигнаа по 13 поени за последнопласираните Визардс. Вашингтон е на една загуба од најлошиот рекорд во историјата на франшизата.
