На сите ни се познати beauty правилата: пиење многу течности, спиење по 8 часа, подалеку од шеќер, сол и од алкохол. Но, исто така, знаеме дека е тешко да се придржуваме кон нив.
Понекогаш ќе легнете доцна, ќе уживате во солена храна. Свежиот изглед понекогаш се чини недостижен. Но, за наутро да изгледате препородено, ви нудиме совети што треба да ги вклучите во секојдневната рутина.
Славните актери понекогаш снимаат и по 20 часа, а изгледаат одлично. Секако на услуга им се врвни стилисти, мејк ап артисти и нутрициониости, но и тие мора да направат нешто.
„Пред спиење пијат многу течности, не јадат слатко и солено и спијат на високи јастуци“, вели мејк ап артистот Тејлор Бабаин.
Освен што се негувате одвнатре, пред да легнете да спиете убаво исчистете ја шминката и користете хранливи хидратантни ноќни креми што одговараат на вашиот тип на кожа. Кога ќе се разбудите наутро добро е да ставите капки, вештачки солзи, за да го намалите црвенилото на очите. Многу познати во очите ставаат капки за да имаат сјаен поглед. Но, за ова мора да се консултирате со лекар.
За да ја намалите отеченоста на очите, на капаците ставете ладни лажички кои преку ноќ сте ги оставиле во фрижидер или кесички камилица или црн чај кои сте ги свариле и оладиле.
Кога се туширате со топла вода поминете по лицето за да ја освежите кожата. Кога нанесувате крема на лице и околу очите направете лесна масажа која ќе поттикне циркулација.
