„Енрон“, енергетскиот гигант од Хјустон, во американската сојузна држава Тексас, со 21.000 вработени, беше една од најголемите светски компании за струја, природен гас, хартија и телекомуникации, со обрт над 100 милијарди долари годишно. Компанијата спектакуларно падна во 2001 година, за време на раководењето на директорот Кенет Леј, како главен извршен директор и Џефри Скилинг како оперативен директор. Се покажа дека раководството на компанијата, со помош на ревизорската компанија „Артур Андерсен“, пријавувала лажни големи профити кои всушност или биле многу мали, или пак ги немало, со цел да ја зголемат вредноста на акциите. [Линк]