Сите знаеме зошто понекогаш спортските настани почнуваат со минута молчење. Но сте виделе ли 2-минутно седење на теренот пред почетокот на фудбалски натпревар?
Така во грчкото првенство оддадоа почит на бројните смртни случаи на бегалци во Егејското Море.
Крикетот не е многу популарен кај нас, но илјадници навивачи на играта во Сиднеј ставија перики и очила за сонце и кренаа во висина микрофони во спомен на Ричи Беноу, кој го напушти светот минатата година. Тој направи одлична кариера на теренот во средината на минатиот век, а потоа стана еден од најпознатите австралиски коментатори.
Во Австралија Новак Ѓоковиќ го бакна теренот на Род Лејвер Арената по шести пат во кариерата.
Во Англија се водеа епски фудбалски битки.
Во јануари му беше врачена и Златната топка на Лионел Меси.
