Во натпреварот кој ќе смести најдобри парчиња облека на полиците, но и кој ќе им понуди на посетителите сосема оригинално искуство победници се десет фантастични бутици сместени на различни страни од светот. Доколку имате доволно пари може да отпатувате до Токио, Лондон или Дубаи, а ако немате толку длабок џеб сè што ви треба е љубопитност и кликање на повеќе за да ги посетите овие несекојдневни продавници…
Во натпреварот кој ќе ги смести најдобрите парчиња облека на полиците, но и кој ќе им понуди на посетителите сосема оригинално искуство победници се десет фантастични бутици сместени на различни страни од светот. Доколку имате доволно пари може да отпатувате до Токио, Лондон или Дубаи, а ако немате толку длабок џеб сè што ви треба е љубопитност и со нас веќе пристигнавте во вие несекојдневни продавници.
Луксузот е сместен во огромен трговски центар во Дубаи, но дури и меѓу бутиците со најпрестижната роба се издвојува Boutique 1 во кој ќе се опуштите со внимателно одбрана музика додека разгледувате ретки парчиња што не можете да ги најдете на ниту едно друго место во светот. Една од причините е што никој друг не може да си ги дозволи. Сепак, редовните посетители, шеиците, и не прашуваат за цената.
Кога и самите модни дизајнери ќе се вклучат во креирање на ентериерот на бутикот се добиваат 6 ката исполнети со висока мода претставена на најразличен начин. А ова секако, се случува во Лондон. Dover Street Market е простран бутик што наликува на уметничка галерија, а претставувањето на креациите овде наликува на уметничка постановка, па не е ни чудно што многу луѓе доаѓаат и само да гледаат, без никаква намера да купат нешто.
Првиот Restir бутик е отворен 2000 година, во Кобе, Јапонија. Кога Hiroaki Takashita требаше да го отвори својот трет бутик, и тоа во Токио, имаше намера да се издвои од толпата. Бутикот е на две нивоа, со футуристички ѕидови на кои се емитуваат реклами за уметнички инсталации, црн мермерен под и ентериер дизајниран од францускиот архитект Laur Meyrieux. Овие 800 м2 се микс на луксузот и новиот поглед кон светот, а основната идеја е да наликува на фото студио. За комплетно уживање тука е и барот на приземјето каде може да се опуштите со одбрани вина и музичкиот избор на тамошниот DJ.
Во Њујорк, но далеку од трговските центри, се наоѓа омилениот простор на шопинг манијаците. Облека и чевли симнати од пистите и наместени директно во Jeffrey. Изборот е огромен, вклучувајќи го и машкиот оддел, а Jeffrey е познат и по тоа што има најдобар избор на чевли во целиот град. Иако производите се луксузни, ова место се издвојува по тоа што е многу поопуштено за разлика од сличните скапи бутици. Ненаметливите продавачи како и DJ-от ќе ве релаксираат до таа мера што скоро и ќе заборавите колку се високи цените. Овој бутик е спомнуван и во Gossip Girl, уште една култна серија за богатите и размазените.
Podium е отворен во 2005 година и за многу кратко време ги надмина конкурентите и стана најдобриот бутик во градот на милијардерите, Москва.
Отворен е во 1970-те и претставува инспирација за сите нови бутици кои на своите полици сакаат да сместат што повеќе дизајнерски парчиња. Основач на Joyce е легендарната Joyce Ma чија намера била да им ги претстави западните дизајнери на богатите жени од Hong Kong. Таа ги препозна квалитетите на Azzedine Alaia, Giorgio Armani, Dries van Noten, Donna Karan и ги стави нивните имиња на светскиот моден пазар. Па, затоа Joyce е местото каде одите за да откриете кој е следната светска ѕвезда во модниот свет.
Уметничка галерија, книжара, антикварница, шик ресторан и најважните модни парчиња за тековната сезона. 10 Corso Como е бутикот на Carla Sozzani, која се инспирирала од ориенталните пазари, како и од лондонскиот бутик од 1970те, Biba. Незјзината сестра е уредник во Vogue, па ако ви се допадне нешто што ќе го видите во списанието, повеќе од сигурно е дека ќе го има и тука. Освен во шопингот, овде може да уживате и во други нешта, како на пример, уметнички изложби како онаа на David Lachapelle. Поради локацијата, но и ентериерот, ова место е оазата на смиреноста меѓу шопинг местата во Милано, особено за време на модната недела.
Зад минималистичката бетонска фасада се крие најавангардниот бутик во Los Angeles, Maxfield. Овде купуваат и познатите ѕвезди и стилисти, а е познато и по тоа што на едно место може да најдете парчиња од најновите колекции на светските дизајнери, како и накит во стилот на Индијанците, па дури и дијамантски ланчиња во форма на череп. За секого по нешто.
Сигурно сте слушнале за Colette. Местото со совршена локација, во Париз, сместено меѓу другите дизајнерски бутици како Louis Vuitton и Dior, кое се уште важи за еден од најубавите и најлуксузни бутици на светот. Покрај скапите парчиња облека, тука може да се најдат и дизајнерски iPhone од лимитирана колекција, како и ретки јапонски модни списанија, украсни свеќи и DVDа.
Villa Moda во Кувајт е спектакуларна стаклена коцка чија единствена цел е четвртата најбогата нација на светот да може да ужива во шопингот.
