Велика Британија ѝ забрани на светски познатата манекенка Наоми Кембел пет години да биде покровител на добротворна организација за благородна цел, откако беше откриено дека парите се потрошени за хотели, спа-третмани, цигари и лично обезбедување.
Педесет ичетиригодишна ѕвезда беше дел од елитна група супермодели во 1990-те. Таа го основа здружението Fashion For Relief во 2005 година со цел да собира средства за хуманитарни цели, но таа добротворна организација беше отстранета од државниот регистар на добротворни организации оваа година.
Истрагата на Комисијата за добротворни цели открила дека Fashion For Relief нема толку пари колку што заработува од модни настани организирани за собирање средства за благородни цели, и изрече петгодишна забрана за Кембел и уште двајца покровители.
Истрагата покажала дека во периодот меѓу 2016 и 2022 година, Fashion for Relief издвоил само 8,5 отсто од собраните средства за добротворни цели, додека на еден од покровителите незаконски му биле исплатени 290.000 фунти. Парите биле искористени и за скапи хотели, третмани за убавина, лично обезбедување, па дури и за цигари.
