Државни институции истражуваат дали новинарот Горан Момироски го прекршил законот со тоа што јавно го употребувал изразот „Бугарски фашистички окупатор“, објави порталот „Експрес.мк“.
Момироски, кој е водител на политичката дебатна емисија „Заспиј ако можеш“ и колумнист на порталот, се нашол под лупа откако здружение на граѓани со бугарско самочувство го пријавило во Комисијата за заштита и спречување на дискриминација (КЗСД), барајќи да биде казнет за извршена дискриминација.
Според „обвинението“, Момироски објавил личен став според кој бугарските окупаторски сили за време на окупацијата на Македонија од страна на царска Бугарија во Втората светска војна, биле фашистички.
Момироски смета дека случајот е „смешен“ и „на граница на лудило“. Повеќе ТУКА.
