Во дванаесеттата епизода од сезона 11 на „Eдeн на Едeн“ со Жаре, која ќе биде емитувана во недела во 18:30 на „Канал 5“ телевизија, гостин е лидерот на ВМРО-ДПМНЕ и претендент за иден премиер – Христијан Мицкоски. Овојпат во опуштено издание, при што ќе сподели многу приказни кои досега биле непознати за јавноста. Меѓу нив и приказната за тоа како почнал да работи како хигиеничар.
Освен тоа, во директна биткa eдeн на eдeн против Жаре, Мицкоски ќе ги покаже и своите вештини во фудбалче на маса. Но тоа нема да биде единствениот предизвик што ќе го прифати. Ќе мора да ги демонстриpa своите музички познавања, погодувајќи колку што е можно повеќе песни за неколку секунди. Една од тие песни ќе се случи на 12 април, најави Мицкоски, препознавајќи ја „We Will Rock You“ на „Queen“.
Жаре ќе го праша Мицкоски и дали се слуша со Никола Груевски.
„Кој Никола? Има еден Никола од Кисела Вода. Не се слушам со него“ – ќе одговори Мицкоски.
