Министерот што одби авионска карта за бизнис класа бидејќи е скапа

Истетовирајте го имево: Исмир Јуско – министерот за сообраќај и комуникација на Босна и Херцеговина. Тој направи нешто ретко забележано во политичката реалност во регионов.

Имено, Јуско одбил да искористи авионска карта за бизнис класа, која е неколку пати поскапа од таа за во економската класа. Цената на првата е околу 3 илјади евра, а на оваа втората – до 800 евра. Јуско ја вратил купената карта и наредил да се купи нова (со доплата од 75 евра), овој пат за во економската класа.

Во разговор со медиумите, министерот изјави дека за него е недопустливо на авионски карти да се трошат толку многу средства од буџетот во една држава како што е Босна и Херцеговина. Вели и дека неговата намера воопшто не била информацијата да стигне до медиумите, туку дека смета дека направил нешто сосема нормално.

„Воопшто нема потреба да се расфрламе со пари од буџетот. Ова нема да биде само сега, туку и во иднина“, рече Јуско.

Една изјава од порано: