Добро, океј знаеме дека знаете кој играч има постигнато најмногу голови или кој клуб има освоено најмногу титули. Ама знаете ли за голмани што имале по пет асистенции или играчи кои постигнувале пенали со двете нозе…
Идеме …
Двајца играчи од ПЛ имаат постигнато гол од пенал и со левата и со десната нога: Боби Замора и Обафеми Мартинс.
Рајан Гигс бил заменет повеќе од било кој друг играч (134 пати).
Единствената асистенција на Марио Балотели во Премиер Лигата е онаа за Серхио Агуеро против КПР, кога Сити ја освојува титулата.
Вејн Руни, Герет Бејл и Кевин Дејвис се тројцата фудбалери кои на еден натпревар имаат постигнато гол, асистенција и автогол.
Бејл е едниот од горенаведените кој заработил + и жолт картон на истиот натпревар
Манчестер Јунајтед нема никогаш загубено натпревар на Олд Трафорд на кој водел на полувреме.
Алан Ширер има промашено најмногу пенали во ПЛ – 11, ама да бидеме реални, има постигнато и најмногу – 56.
Минатата сезона Вест Хем за прв пат имаше позитивна гол разлика по сезоната 1985/86
Поранешниот голман на англиската репрезентација Пол Робинсон, има постигнато гол од пенал, има направено асистенција за гол и одбрането пенал во една иста сезона. Меѓу другото, Робинсон има и најголем број на асистенции од сите голмани (5).
Дариус Васел има постгнал голови на 46 различни натпревари од Премиер Лигата и нема загубено ниту еден од нив.
Само три играчи родени по формирањето на Премиер Лигата (Август 1992) имаат постигнато хет-трикови. Рахим Стерлинг, Хари Кејн и Ромелу Лукаку.
Единствениот фудбалер роден пред 1960 кој постигнал хет-трик во ПЛ е Гордон Страчан.
Дејвид (x14) и Џејмс (x11) беа најчестите имиња (без презимиња) на фудбалерите во сезоната 2010/11 од ПЛ. За жал тоа беше првата сезона кога Дејвид Џејмс не заигра во ПЛ.
Сезоната 2014/15 Лестер Сити помина цели 140 дена закован на дното на табелата без на крајот да испадне од ПЛ. Апсолутен рекорд. Следната сезона … си знаете.
Питер Крауч има постигнато 47 гола со глава во ПЛ, повеќе од 15 тима кои имаат играно во ПЛ.
Сезоната 1997/98, Анди Робертс одигра 37 натпревари, од нив дури 4 против Арсенал. Два во дресот на Вимблдон, два во дресот на Палас.
