Претходно оваа недела ни беше дадено до знаење дека Samsung започна да го тестира Android 5.0 Lollipop на Galaxy S4.
Сега, се појави видео кое укажува на што точно работи корејската компанија. Треба да се знае дека ова не е финалната верзија која корисниците ќе ја добијат – сеуште има доста грешки, но сепак ни дава некаква претстава за тоа што можеме да очекуваме.
Како што сугерира видеото подолу, корисничкиот интерфејс TouchWiz на Samsung е оптимизиран за Lollipop, како што е и кај Galaxy S5. Има и доста промени во начинот на кој што изгледаат апликациите на компанијата – пораки, контакти, калкулатор, часовник и друго. Firmware-от не е базиран на финалниот Lollipop код (LRX21M), што Google го објави пред три дена, но од SamMobile велат дека и покрај тоа уредот работи побрзо отколку со KitKat.
Samsung се уште работи на TouchWiz и Android Lollipop, затоа треба да се има во предвид дека до финалната верзија можат да се променат многу нешта.
Повеќе фотографии можете да видите ТУКА.
