Истанбул е најголемиот град во Турција и петти по големина во светот по население, но иако се смета за европски, всушност лежи на два различни континенти.
Едниот дел на Истанбул се наоѓа во Европа, а другиот е во Азија. Европскиот дел на градот е одвоен од азискиот од Босфор – 31 километри воден пат кој го поврзува Црното со Мраморното Море, и формира природна граница меѓу Европа и Азија.
Двата моста преку Босфорот – Босфор и Фатих Султан Мехмет, исто така наречен Босфор II, ги поврзуваат двата дела, но сепак многу туристи претпочитаат да го посетат само европскиот дел поради неговото историско значење. Тоа е трговскиот центар на градот со банки, продавници и претпријатија, со тоа што во овој дел се сконцентрирани две третини од населението.
Азискиот дел е посмирен со широки булевари, тивки станбени населби и помалку хотели и туристички атракции. Истанбул е еден од ретките градови во светот, кои се делат од два континенти. Примери за други слични градови, кои се половина европски и азиски вклучуваат руските Оренбург и Магнитогорск, како и Атирау – град во западниот дел на Казахстан.
На ист начин Суец, египетски град, лежи на Суецкиот канал, а припаѓа како на Африка, така и на Азија. Но Истанбул е најголемиот и единствениот град во светот кој носи толку богата историја и наследство.
Не случајно во реонот на Босфорот првиот град е основан од страна на античките Грци уште околу 660 година п.н.е. кога Константин Велики станува римски император, па така градот бил преименуван во Константинопол. Во наредните 16 века тој служи како главен град на Римската, Византиската, Латинската и Отоманската империја, со тоа што за време на овој период над 120 императори и султани ја управувале земјата под него.
Истанбул е христијански град во римско и византиско време, пред Османлиите да го освојат во 1453 година и да го претворат во исламска тврдина.
По турската војна за независност, современата Република Турција е основана во 1923 година, а Анкара е избрана за престолнина.
Многу палати и царски џамии се уште стојат по ридовите на Истанбул како видливи потсетници за претходната важна улога на градот. Денес Истанбул е огромен мегаполис, поврзува континенти, култури и религии, дом е на петнаесет милиони луѓе и еден од најголемите деловни и културни центри на регионот.
