Еден од најлесните начини да го раздвижите вашиот стил и да изгледате различно секој пат е да започнете да си играте со додатоците. Во есенско-зимскиот период не е лесно да се биде различен секој ден. Ова бара многу повеќе средства отколку во другите сезони. Нема како да ги купиме сите топли парчиња облека или обувки, кои ни се допаѓаат. Затоа е подобро да се научиме да ја користиме силата на додатоците и да ја раздвижиме фантазијата.
Во оваа сезона марамите се апсолутно задолжителни. Најдоброто нешто е тоа што во моментов се актуелни огромните топли марами, кои ќе ви ја обезбедат потребната удобност и комфорт. Еден шал може да ве преобрази целосно. Единственото што се бара од вас е да експериментирате. Пробајте различен тип комбинации и можности, за да го откриете она што ви стои добро и како се чувствувате поудобно. Оваа сезона има неверојатно многу модели во речиси сите продавници. Во Mango и Zara има доста интересни предлози кои дефинитивно го заслужуваат нашето внимание.
Не е тешко, но секогаш помага кога претходно сте разгледале различни примери, инспирирани од улицата.
