Холивуд наскоро ќе започне со снимање на филмот „Тигров скок“ за животот на контроверзниот командант на Српската доброволна гарда, Аркан. Како глумци во филмот ќе се појават Роберт де Ниро и латиноамериканската убавица Ева Мендез.
Филмот се снима по книгата „Аркан“ од Владимир Ѓорѓевиќ во соработка со американската продукција Cinema Cafe.
Овој филм е инспириран од животот на Аркан, но во филмот се прикажуваат криминалните активности и работите кои се случувале во мафијата.
Роберт де Ниро ќе ја игра улогата на тогашниот претседател Слободан Милошевиќ, а сопругата на Аркан, Цеца Ражнатовиќ ја глуми славната Ева Мендез.
Снимањето на филмот започнува во февруари 2016 година и ќе се снима во неколку држави: Србија, Шведска, Црна Гора и Америка.
Буџетот за филмот изнесува 7.5 милиони долари, и ќе биде модерен филм со посебни специјални ефекти.
