Под сомнение дека интервенирале во спорот со името со Македонија, Грција протера двајца руски дипломати.
Весникот „Катимерини“ наведува дека двајца дипломати се протерани, а на уште двајца им е забранет влез во Грција, поради мешање во внатрешните работи и обиди за интервенција во спорот со Македонија, со што негативно влијаеле на улогата на Грција на Балканот.
Атина ги обвини руските дипломати дека се обидувале да добијат незаконски информации и да поткупат грчки државни службеници.
Руското МНР донело одлука дека ќе вратат со иста мерка, односно и тие ќе протераат грчки дипломати од Русија.
Наводно, Русија се обидува преку дипломатите да го наруши Договорот од Преспа, а со тоа и стабилноста на регионот, смета официјална Атина.
