Водечкиот британски епидемиолог Нил Фергусон, кој ја советуваше британската влада во справувањето со коронавирусот, вчера си поднесе оставка откако ги прекрши карантинските мерки што самиот тој „ги создаде“. Фергусон имаше позитивен тест за коронавирус на 19 март и оттогаш беше во двонеделна задолжителна самоизолација.
Викан „Professor Lockdown“, 51-годишниот Фергусон имаше водечка улога во кроење на „остани дома“ стратегијата на Велика Британија за борба со пандемијата со Ковид-19. Тој го предводеше тимот епидемиолози од Кралскиот колеџ во Лондон и е најзаслужен што Британија го смени курсот од градење на колективен имунитет кон воведување на карантински мерки, откако истражувањата со користење на компјутерски модели што ги направи со својот тим покажаа дека повеќе од 500 илјади Британци ќе умpaт од коронавирусот ако не се воведе социјално дистанцирање.
Неговата оставка доаѓа откако британскиот весник „Telegraph“ во вторникот објави дека самиот Фергусон ги прекршил правилата што ги промовираше и воведе и дека жена го посетила во неговиот дом повеќе од двапати, спротивно на препораките за социјално дистанцирање. Се работи за неговата девојка – 38-годишната Антонија Стаатс, која пак е мажена и сѐ уште живее со сопругот и нивните две деца.
Стаатс неколкупати патувала преку Лондон за да го посети Фергусон во неговиот дом, иако на милиони пapoви во Британија што живеат одвоено не им е дозволено да се видат поради мерките на социјално дистанцирање, кои се во сила веќе седма недела. Дури и британскиот премиер Борис Џонсон, на почетокот на епидемијата, ги советуваше Британците дека ако сакаат да бидат заедно со своите љyбeни, сега е моментот да се „воозбилат“ и или да се вселат заедно, или „да продолжат понатаму“ (секој по свој пат).
Во изјава за CNN, проф. Фергусон призна дека направил „грешка во проценката и постапил погрешно“ и дека поради тоа се повлекува од SAGE – Научната советничка група за вонpeдни состојби, која го предводи одговорот на Британија на коронавирусот.
„Се однесував верувајќи дека сум имун, со оглед дека бев позитивен на тестот за коронавирус и комплетно се самоизолирав во период од речиси две недели откако развив cимптоми“, рече тој. „Длабоко жaлaм за било какво поткопување на јасните пораки околу продолжената потреба за социјално дистанцирање со цел контрола врз оваа уништyвачка епидемија. Препораките од владата се недвосмислени и тие постојат за да нѐ заштитат сите нас“, порача Фергусон.
