Во моментов гледаме вистински бум на секакви паметни автомобили.
Сите водечки производители имаат сопствени технологии и користат паметни системи кои им помагаат и максимално го олеснуваат процесот на возење или овозможуваат на автомобилот да се движи во автоматски режим без ни најмала интервенција на човекот.
Не е исклучок и автомобилската компанија General Motors, која наредната недела ќе го претстави паметниот автомобил од новата генерација Cadillac CTS 2017, опремен со технологијата “Super Cruise”, систем за комуникација помеѓу возилата (vehicle-to-vehicle – V2V) и други напредни технологии.
Во рамките на подготовките за оваа презентација GM прави прошетка низ историјата, со тоа што не потсетува дека првиот во светот паметен автомобил се појавува на автоизложба уште во 1956 година, додека пак GM Firebird II е современиот паметен автомобил за ова време.
Teкстот е објавен во соработка со Socialnet.mk
