Кога одиме на гости вообичаено на домаќините им делиме комплименти за изгледот на домот, но во реалноста, повеќето жени мислат дека домовите им се неуредни и нечисти и проверуваат со прст колку прав има на полиците додека домаќините варат кафе во кујна.
Анкетата на Betta Living, британски синџир на продавници за мебел специјализиран за спални соби и купатила, покажува дека дури 63 отсто од жените мислат дека домовите на нивните пријателки се нечисти, 58% проверуваат колкав слој прав има на полиците, а 40% би ги нарекле своите пријатели „нечисти личности“.
Жените користат посебни тактики за проверување на нередот и чистината на домот на своите пријателки, вклучувајќи прегледување на полиците поради прав, суптилно гледање во кујнските ормани и задолжително одење во купатило и ѕиркање низ отворената врата на спалната соба додека се враќаат од него.
Тоа што всушност ги тера жените на истражување на туѓите домови е несигурноста за состојбата на сопствените затоа што токму чистотата на домот е втората работа што најмногу ги депримира, веднаш зад телесната тежина.
Највалканите тајни на домаќинките
Од 2 000 испитани жени 63% откриле дека со правосмукалка чистат само околу поголемите парчиња мебел, наместо да се малтретираат со преместување на останатиот полесен мебел. Уште една валкана тајна која ја делат 74% жени е дека шпоретот го чистат само еднаш годишно, додека остатокот го прават тоа еднаш на две години. 69% признале дека под креветот во спалната соба вшмукуваат само еднаш месечно.
За највалкани соби во домот ги сметаат спалната соба и трпезаријата.
