Замислете, ако го вклучите Фејсбук од вашиот телефон, активноста ќе биде забележана на повеќе од 1000 сервери.
Од 2011, Фејсбук отвори центру во Орегон, Ајова, Северна Каролина и Шведска.
Целта на Фејсбук е нивните центри да бидат поефикасни и затоа внимаваат и на најситните детали. Сепак, „ефикасен“ во случајот на Фејсбук не значи и „што помал“.
Првиот центар, кој се наоѓа во Орегон, има 1528 километри кабли во себе. Иако би помислиле дека тоа е неверојатна количина на струја потребна за одржување, Фејсбук своите центри ги унапредува да бидат економични и да трошат што помалку енергија, а со самото тоа и помалку да чинат.
Поради начинот на кој се поврзани серверите, работниците можат лесно да ги пронајдат, тргнат и поправат сите компоненти.
Она што е можеби најважно е спречувањето на прегревањето на серверите. Во шведскиот центар, воздухот се извлекува однадвор и потоа се обработува за да ги разлади илјадниците сервери. Ладниот воздух поминува и низ голем број на филтри и прскалки кои дополнително помагаат за намалување на температурите и влагата во просториите со серверите.
