Фудбалската репрезентација на Швајцарија со победа го отвори настапот на Европското првенство, во првото коло од групата А во КЕлн ја совлада селекцијата на Унгарија со 3:1 (2:0).
Швајцарија на полувремето имаше два гола предност, а стрелци беа Квадво Дуа во 12. минута и Мишел Ебишер во 45. минута. Надежите за Унгарците се отворија во 66. минута кога Барнабас Варга погоди за 1:2, но сѐ беше заклучено со голот на Брил Емболо во 93. минута за конечните 3:1.
Во текот на целото прво полувреме беше видлива голема разлика во можностите на двата тима, а Швајцарците апсолутно доминираа во воведните 45 минути. Далеку порастрчани и со многу ефикасен пресинг, Швајцарецот целосно ги разоружаа Унгарците, кои ниту еднаш не му се заканија на Зомер.
Од друга страна, Швајцарија беше многу конкретна во нападите и релативно лесно ја разби неубедливата унгарска одбрана. Швајцарија поведе уште од првата вистинска акција на натпреварот, во 12. минута. Одлична асистенција упати разиграниот Абишер која беше половина од голот, а сѐ останато направи стрелецот Дуа кој лесно го измами Гулачи за 1:0.
Примениот гол дополнително ја потресе слабата Унгарија, а по грешка во унгарската одбрана, Варгас во 20. минута можеше да постигне гол за 2:0, но топката го погоди противничкиот голман и не заврши во мрежата.
Швајцарија ја контролираше играта до крајот на првиот дел, а најмногу се играше во унгарската половина, а единствената шанса на Унгарија во првото полувреме се случи во 40. минута. Уфрли Шобошлаи, а Орбан на крајот не реагираше на вистински начин.
Во самиот финиш на првото полувреме, Швајцарија го зголеми водството. Одличниот Ебишер, на врвот од шеснаесетникот, со тело го исфрли противничкиот играч и практично од самото место одлично нишаше за многу убав гол и 2:0 за Швајцарецот.
Веднаш на стартот од вториот дел, во 47. минута Дуа имаше шанса да постигне втор гол, но тогаш за разлика од 12. минута, унгарскиот голман Гулачи го одбрани неговиот удар.
Потоа Швајцарија значително повеќе им го препушти поседот на ривалите, но Унгарците го немаа рецептот да ги загрозат швајцарската одбрана и Зомер ниту во таков однос на силите на теренот. Унгарија напаѓаше без вистинска идеја, но во 64. минута конечно создаде вистинска шанса. Откако беше нафрлена топката, Варга остана сам на одбиената топка, добро шутираше со глава, но топката мина право покрај швајцарската статива.
Тоа беше предзнак на она што се случи во 66. минута кога Унгарија го намали водството. Шобошлаи упати добра топка во шеснаесетникот, а Варга го доби дуелот со глава за 1:2.
Потоа продолжи притисокот на Унгарија, која најчесто бараше израмнување со многубројните нафрлувања по тркот на својот прв постигнат гол. Унгарија до крајот не се закани на вистински начин, но на другата страна имаше големи можности.
Најпрвин во 90. минута Џака по еден корнер шутираше, но Гулачи добро реагираше, додека во следниот напад Ридер сам тргна кон унгарскиот голман, но по дриблингот отиде предалеку настрана. Сѐ беше заклучено во 93. минута кога Орбан повторно згреши, а тоа го искористи Емболо, кој го префрли Гулачи и ги постави конечните 3:1.
Во петокот во првото коло од оваа група А, домаќинот Германија ја победи Шкотска со 5:1. Во второто коло се среќаваат Германија – Унгарија и Шкотска – Швајцарија, а натпреварите се закажани за среда, 19 јуни.
