51
Наскоро започнува нова педагошка и наставна година, а многу родители се прашуваат како на своето дете да му обезбедат силен имунитет кој ќе може да се избори со настинките и вирусите.
Лекар специјализиран за заразни болести, Марија Ласева, откри дека за силен имунолошки систем најважни се витамините А, Б и Ц. Тие можат да ја зголемат отпорноста на инфекции.
Освен што го зајакнува имунолошкиот систем, витаминот А помага за подобрување на видот и позитивно влијае на растот и репродуктивната функција. Може да се најде во производи како што се тиква, моркови, брокула, џигер, јајца и путер.
Б-витамините се важни за целокупниот метаболизам. Ги има во млечните производи, житариците, лиснатиот зеленчук, мешунките и морските плодови.
Витаминот Ц ја контролира состојбата на крвните садови, го зајакнува имунитетот и ги намалува симптомите на грип и настинка. За да го снабдите телото со него, мора да јадете свеж зеленчук, овошје, бобинки и кељ.
Лекарот ги потсетил родителите на важноста на хранливата ужина. Наместо пецива, кои не само што се нездрави, туку и штетни, подобро е детето да „спакува“ овошје, јогурт, неколку јаткасти плодови и шише вода. Овие намирници ќе помогнат во одржувањето на енергијата и здравјето во текот на денот.
