Вашингтон, 31 март 2022 (МИА) Директорот на ЦИА – Вилијам Брнс, е позитивен на денешниот тест за Ковид-19, еден ден по средбата со американскиот претседател Џо Бајден, соопшти разузнавачката агенција.
Сепак, на состанокот со Бајден, Брнс носел маска N-95 и одржувал физичко растојание, потенцираат од агенцијата.
„Нивната интеракција не се смета за близок контакт како што е дефинирано со упатствата на ЦДЦ, а директорот Брнс ја сподели информацијата за неговиот позитивен тест поради транспарентност“, се вели во соопштението.
65-годишниот Брнс е вакциниран со три дози против ковид-19.
Извор: МИА
