Државната изборна комисија попладнево ги објави резултатите од изборите во електронска верзија, но во .pdf фајл на Google Drive.
Објавените резултати, како што велат од ДИК, се базирани на податоците од записниците од Изборните одбори, односно обрасците 16 и 16 ЗРД.
Платформата rezultati.sec.mk и денеска не работеше, а од ДИК соопштија дека истата нема да биде ажурирана поради истрагата што ја води секторот за компјутерски криминал на МВР за хакерскиот напад на денот на изборите по завршување на гласањето.
Во моментов, сепак, се чини дека и rezultati.sec.mk работи нормално и прикажува резултати по 100% обработени податоци. Сепак, табелата, како поверодостојна, ја најави и самиот претседател на ДИК – Оливер Дерковски:
„Поради истрагата на МВР, овој сајт нема да го ажурираме, туку изборните податоци ќе ги објавиме на табела“, изјави денеска тој за „Алсат“.
