Џиновски стаорци го освојуваат светот?

Како да не се доволно страшни во нивната нормална големина, во моментов низ светот се почесто се појавуваат џиновски стаорци. Неколку такви стории веќе беа објавени на вестите во САД, а судејќи по нив, стаорците се поголеми од мачки. Не можете а да не бидете скептични и помислите дека следните фотографии се фотошопирани – ама не се. Џиновските глувци веќе се документирани во неколку земји ширум светот и се чини дека брзо преминуваат во сериозна закана по луѓето.

Во Велика Британија, на пример, неколку од овие штетници беа фатени во серија, а најголемиот од нив со должина од 60 сантиметри! Сопствениците на домот најпрво слушнале гласни звуци на гребење и џвакање дрво. Поставиле камера во поткровјето, а кога се увериле дека се работи за стаорец, морале да направат дупка во таванот за да го фатат. Кога конечно го уловиле, биле запрепастени од неговата големина – бил голем колку мачка.

Вработен од „Контролата за штетници“ вели дека се изненадени од честоста и димензиите на стаорците во последно време. Тој претпоставува дека тоа се должи на отпадот од домаќинствата што се фрла во близина на домовите, како и на глобалното загревање. „Не беше доволно студено зимава за да ги убие стаорците. Има огромни количини храна во канализацијата каде што тие живеат, па ако живеат подолго и јадат повеќе, ќе бидат се поголеми“.

Една седмица претходно, Ерик Корсас и неговото семејство, од Шведска, биле преплашени кога стаорец голем 40-тина сантиметри влетал во кујната во нивниот стан во Стокхолм. Дури и мачката била стаписана и одбивала да се доближи до џиновскиот провалник. Натрапникот бил фатен со помош на прилагодена стапица, а потоа фотографиран и објавен на социјалните мрежи. Еве го:

По се изгледа, научниците ја имаат предвидено оваа абнормалност кај стаорците уште многу одамна. Всушност, во научните кругови се смета дека стаорците и понатаму ќе еволуираат и ќе растат се поголеми и поголеми и дека еден ден би можеле да бидат големи колку овца. Тие се познати по нивната способност за преживување и нивната огромна адаптибилност во однос на околината. Дополнително, тие се веќе имуни на многу од отровите што се користат за нивно истребување. Др. Јан Заласиевич вели: „Ако им дадеме доволно време, стаорците веројатно ќе почнат да растат и до тежина од 80 килограми“. Единствената добра вест е што тоа нема да се случи пред да поминат неколку века.