29
Доматите се богати со хранливи материи, а нивното благотворно дејство се засилува со готвењето. Варените домати помагаат во намалување на нивото на маснотии во крвта, ја забрзуваат регенерацијата на мускулите после вежбање, ја прават кожата поздрава и го намалуваат ризикот од рак.
Сок од домати за закрепнување после тренинг
Истражувањата покажаа дека консумирањето сок од домати после вежбање помага за регенерација на мускулите. Грчките научници открија дека спортистите кои пиеле сок од домати побрзо закрепнуваат после напорен тренинг од оние кои пиеле енергетски пијалоци.
Доматите се една од најпопуларните намирници
Благодарение на тоа што можеме да го комбинираме со широк спектар на храна и хранливи материи како витамин Ц, калиум и фолна киселина, доматите се меѓу најпопуларните намирници во светот.
Сок од домати за здравјето на срцето
Анализата на шест студии покажа дека консумирањето една чаша сок од домати дневно во текот на шест недели може да ги намали нивоата на LDL (липопротеини со мала густина) и да ги зголеми нивоата на HDL (липопротеини со висока густина), потенцијално намалувајќи го ризикот од кардиоваскуларни болести.
Готвењето домати ја подобрува апсорпцијата на ликопен
Доматите содржат моќен антиоксиданс ликопен, кој помага да се елиминираат слободните радикали кои можат да ги оштетат клетките во телото. Ликопенот е поефикасен кога доматите се варат, бидејќи топлината ги разградува клеточните ѕидови, правејќи го ликопенот подостапен.
Така, сосот од домати направен од свежи или конзервирани домати, дури и кечап, обезбедува повеќе ликопен од свежите домати. Додавањето маслиново масло додека готвите доматите дополнително ја промовира апсорпцијата на ликопен.
