Фудбалерите на Црвена ѕвезда се пласираа во Лигата на Шампионите откако синоќа во Белград го победија норвешкиот Бодо Глимт со 2:0 во реваншот од плеј офот на најквалитетното европско клупско натпреварување.
Во првиот натпревар во Норвешка беше 2:1 за Бодо Глимт. Головите за Црвена ѕвзда ги постигнаа Бруно Дуарте во 26 минута од пенал и Урош Спајиќ во 59 минута.
Динамо Загреб вчера го потврди учеството во Лигата на Шампионите откако и на гости го совлада Карабаг со 2:0. Претходно во Загреб Динамо победи со 3:0.
Во Лигата на шампионите се пласираше и француски Лил, иако претрпе поразот на гостувањето во Прага од Славија со 2:1, но Французите на домашен терен победија со 2:0.
Слован Братислава го елиминираше Митјиленд, со победа од 3:2, а во Данска првиот натпревар заврши нерешено 1:1.
