Што низ филмовите, а што лично, легендарниот српски актер Драган Бјелогрлиќ низ годините има кажано доста паметни нешта. Зборувајќи за актуелните политички состојби, во една прилика тој погоди право во суштината, а неговата порака, иако во основа е универзална, особено важи за Балканот.
„Очајно е како и секогаш, но нема кукање. Доста со тоа. Дај да се здружиме сите кои не сакаме да живееме во овој примитивизам. И новинари, и просветни работници, лекари, спортисти, филмски работници и сите останати чиј збор се слуша – сите мораат да пуштат кpик кој вели: нема да дозволиме децата да ни растат со вакви медиуми, да се лечат во пропаднати болници, да се школуваат во oбeзглaвeни училишта, криминалците да им се идоли, а пpocтитyтките – примери!
И мораме да понудиме решение. Секој во својата професија. Ние сме тука да нудиме решенија и да бараме од политичарите да ги спроведуваат, ако знаат. Ако не знаат, да ги најдеме оние кои знаат и можат. Кога тоа ќе го сфатиме, можеби и ќе ни тргне“, порача во една прилика актерот и режисер до своите сограѓани.
