Барселона славеше уште една победа во Примера, овој пат совладан беше Рајо Ваљекано со 3-1, Атлетико Мадрид триумфираше на гостувањето кај Осасуна со 2-0.
Коло без поголеми изненадувања во Примера, Барса ја задржа предноста од 13 бода во однос на Реал Мадрид.
Каталонците на Камп Ноу го совладаа Рајо Ваљекано со 3-1.
Серијата ја отвори Давид Виља со погодок во 25. минута, следуваат два гола на Меси, во 40. и 57. минута.
Тамудо на 20 минути до крајот беше стрелец на почесниот погодок за Рајо Ваљекано.
Во саботата во натпревар со седум погодоци Реал Мадрид ја победи Мајорка со 5-2.
Игуаин постигна два гола, по еднаш прецизни беа Кристијано Роналдо, Лука Модриќ и Карим Бензема.
Атлетико Мадрид со 2-0 победи на гостувањето кај Осасуна, двата гола за тимот од главниот град на Шпанија ги постигна Коста.
Севиља со убедливи 4-0 ја совлада Сарагоса, Коке беше стрелец на два гола, Рејес и Негредо погодија по еднаш.
Малага доживеа неочекуван пораз на свој терен, загуби од Еспањол со 2-0.
Колото во 49. и Гарсија во 66. минута ја донесоа победата на тимот од Барселона.
Во останатите натпревари од Примера, Валенсија со 3-0 го победи Бетис, Гранада и Леванте одиграа 1-1, Атлетик Билбао со 1-0 загуби од Гетафе, Сосиедад со убедливи 3-1 ја совлада Селта.
Текстот е објавен во соработка со 24Фудбал.
