Прв смартфон кој ќе ја добие најновата верзија на Android 4.3 е посебната едиција на Samsung Galaxy S4 која работи на базичниот оперативен систем на Google заедно со корисничкиот интерфејс на Samsung TouchWiz.
Ако може да му се верува на овој извештај надградбата на софтверот треба да се случи наскоро во текот на месец јули. Досега нема конкретни информации што ќе донесе оваа надградба, дали ќе има поголеми промени или пак само мали подобрувања во одредени сервиси. Во јавноста кружи и информација дека комплетната промена на Android ќе се случи при крајот на годината со верзијата 5.0 Key Lime Pie, додека пак верзијата 4.3 е само мало освежување.
На овој начин Google покажува дека е задоволен од соработката со Samsung и замената на сопствените смартфони Nexus со Galaxy S4 како базичен телефон кој прв ќе ги добие сите новитети од мобилната платформа. Досегашната практика покажа дека прво Nexus смартфоните ја добиваат новата верзија на Android, а подоцна останатите и тоа може да се промени токму со Samsung Galaxy S4.
Текстот е објавен во соработка со telefoni.mk
