Иако август беше месец за одмор, сепак од друга страна беше месец полн со нови апликации и игри за сечиј вклус и за било кој мобилен оперативен систем. Еве некои од нив:
Timely Alarm Clock
Платформи: Android
Уште кога се прв пат се појави на Google Play, оваа апликација го доби епитетот најубава апликација во својата категорија. Се одликува со интересен и разигран интерфејс и со интеграција со облачни услуги за зачувување и синхорнизирање на будилниците на сите ваши уреди. Мелодиите се сопствена продукција на создавачот, има функција за “интелигентно будење„, колекција од теми во различни бои, како и инструмент за изработка на дополнителни теми. Timely вклучува и мини-игри кои сигурно ќе Ве разбудат.
myTube
Платформи: Windows Phone
Идејата на myTube е нешто, што секој кој гледа видеа на YouTube преку својот мобилен уреди, би сакал да го има, а имено – независно што и да правиш, видеото да не прекинува. Оваа апликација го става под притисок интерфејсот над видеото и на тој начин видеото нема да застане, дори и да читате, да сурфирате или дури да излезете од myTube.
Hello Vino
Платформи: Android и iOS
Оваа апликација препорачува какво вино да си изберете за вечерта, за специјални случаи, за подарок или просто за ваша конзумација. Hello Vino има сопствен пребарувач за вино, кој ќе ви предложи рецензии и рејтинзи на различни марки, а и ги распознава вината по нивните етикети. (опција која сосема логично не работи со поголемиот дел од асортиманот на нашиот пазар).
Alarm Clock
Платформи: Android
Alarm Clock е четвртата Android апликација (по Cardiograph, Battery и Weather) создадена од програмерите на MacroPinch. За разлика од Timely Alarm Clock, кој подржува Android уреди со верзии по нови од 4.0.3, Alarm Clock е една од малкуте апликации кои ги поддржуваат сите верзии од Android 1,5 до Android 4,3. Апликацијата е изградена околу флексибилен и интуитивен алгоритам за активирање на аларми (на пример, автоматско прилагодување на алармите при промена на временската зона), обезбедува многу опции за персонализација, неограничен број на аларми и тајмери, четири типа стилски дизајнерски часовници и користи автоматска NAP функција за да не Ви се истроши батеријата.
Graphing Calculator
Платформи: Android
Оваа интересна апликација доаѓа токму на време за почетокот на школската година. Graphing Calculator всушност обединува неколку калкулатори во едно – научен (логаритми, тригонометриски функции, комплексни броеви и научни нотации и др.), графички (параметарски и имплицитни функции, графикони на повеќе функции, функција корени и критични точки на графики и др.), алгебра (линеарни и квадратни равенки и др.) и матричен калкулатор (матрица и векторски операции, детерминанти и др.).
Active Fitness
Платформи: Windows Phone
Active Fitness е ексклузивна фитнес апликација за Windows Phone, која следи многу видови активност (трчање, одење, возење велосипед, скиорство, сноубординг, скутер, рафтинг и сл), има длабока социјална интеграција, обезбедува опција за составувањето на планови за тренирање, има поддршка на гласовни команди и работи офлајн.
Doo
Платформи: Android и iOS
Doo ја поставува целата ваша документација во џеб, без разлика дали ја чувате локално или на облачниот простор. Апликацијата ги пронаоѓа сите ваши документи во рамките на секунди и автоматски генерира паметни тагови. Но Doo е способна за многу повеќе – служи како мобилен скенер, препознава симболи, прави импорт на документација од имејл, а преку таговите можете лесно и брзо да го најдете секој ваш документ.
1 Second Everyday
Платформи: Android
Замислете си филм кој вклучува секој ден до остатокот на животот … 1 Second Everyday е дело на човек, кој во текот на две години снимал по една секунда од секој изминат ден на тој начин добил 12-минутно видео. Тој случај всушност е инспирацијата да направи апликација преку која секој друг ќе може да се вклучи во нешто слично. 1 Second Everyday може да снима што сакате, но може и автоматски да состави снимка на база ваши постоечки записи (зачувани на телефонот). Се разбира, размислете и за backup – секоја снимена секунда се чува благодарение на Google Drive.
6tag
Платформи: Windows Phone
Според креаторите на 6tag, ова е копија на апликација Instagram за Windows Phone платформата … и тврдењето е сосема правилно! Филтрите кои можете да го користите се оригинални и толку различни што ќе ви треба многу време само за да ги разгледате една по една. Тагирањето на пријатели е дозволено, има можност за неограничено споделување на фотографии во Instagram, како и директна интеграција со вообичаените социјални мрежи Facebook, Twitter, Flickr, Tumblr и Foursquare.
Текстот е објавен во соработка со SocialNet.Mk
