Вчера во кампусот на технолошкиот гигант Apple, во Купертино, Калифорнија се одржа церемонија, каде компанијата официјално претстави неколку нови производи.
Еве кои се новитетите на Apple:
iPhone 5s: Процесор A7 , подобра камера и Touch ID опција
iPhone5s ќе се појави на пазарот во три бои: темно сива, златна и сребрена. Во него ќе биде вграден A7 чип, кој според Apple ќе го направи овој паметен телефон, прв од неговиот вид кој ќе работи на 64-bit. Уредот ќе се продава по цена од $199 за 16GB со договор за две години.
Телефонот ќе биде пуштен во продажба на 20-ти септември во САД, Австралија, Канада, Кина, Франција, Германија, Јапонија, Сингапур и Велика Британија.
Освен со процесорот, овој модел може да се пофали и со многу добра камера, која ќе има отвор до f2.2 со 15% поголема активна област на сензорот. Блицот на камерата има два LED кои автоматски се адаптираат во зависност од светлината во просторијата.
iPhone 5s доаѓа и со технологијата Touch ID. Тоа всушност претставува сензор за отпечатоци вграден во копчето Home, чија цел ќе биде да го заштити Вашиот телефон.
iPhone 5c
Наместо да ја намали цената на iPhone 5, Apple претстави нов модел наречен iPhone 5c, чија цена че биде 99 долари за 16GB и 199 долари за 32GB со договор за две години. Новиот модел многу наликува на iPhone 5, но разликата е тоа што задниот дел е направен од пластика која може да се купи во различни бои.
Овој модел ќе се појави во продавниците на 20-ти септември заедно со iPhone 5s. iPhone 5c може да се пофали подобра батерија и подобра FaceTime камера.
Freebies
Новите модели на Apple бесплатно ќе имаат вградено iMovie, iPhoto и iWork пакети (Keynote, Pages и Numbers).
iOS 7
Apple дава нова огромна визуелна корекција на верзијата 7. Во неа тие додале центар за контрола и карти за мултитаскинг. Компанијата исто така ќе претстави и нова апликација iTunes Radio направена специјално за новата верзија на својот оперативен систем. iOS 7 ќе биде претставен на 18-ти септември за iPhone 4 и за постарите верзии, за iPad 2 и постарите верзии, како и за iPad mini и 5-тата генерација iPod touch.
700 club
Apple соопшти дека испораката на iPhone уреди која ќе се изврши наредниот месец ќе биде специјална и по тоа што тоa тогаш ќе биде испорачан 700 милиониот iOS уред.
Текстот е објавен во соработка со SocialNet.Mk
