Баерн Минхен го потврди трансферот на Тиаго Алкантара од Барселона, Баварците ќе платат 25 милиони евра за младиот фудбалер.
Баерн Минхен и Барселона постигнаа договор за трансферот на Тиаго Алкантара, 22-годишниот фудбалер ќе потпише четири годишен договор откако ќе ги помине медицинските тестови.
Баварците и официјално ја добија трката со Манчестер Јунајтед, Пеп Гвардиола беше оној кој го привлече Тиаго да се пресели на Алијанц Арената.
Трансфер договорот вклучува и одигрување на пријателски натпревар помеѓу двата тима кој треба да се случи до 2017 година.
„ФК Барселона и ФК Баерн Минхен постигнаа договор за трансферот на Тиаго Алкантара за сума од 25 милиони евра” – стои во соопштението на Баерн Минхен.
„Договорот вклучува и одигрување на пријателски натпревар помеѓу двата тима кој аќе се одигра во наредните четири години”.
„Во наредните денови, шпанскиот фудбалер ќе допатува во Минхен и откако ќе ги помине задолжителните медицински тестови ќе потпише договор до 30 јуни 2017 година”.
Текстот е објавен во соработка со 24Фудбал
