На некои места американските долари се валкани пари. Всушност, толку валкани што мора да се перат. А под „перење“ не мислиме на она што обично се подразбира под „перење пари“. Вака се перат пари во Зимбабве.
Бидејќи зимбабвеанските долари се речиси безвредни, американските долари се преферираат, а тие поминуваат низ многу раце. Всушност, банкнотите поминуваат низ толку многу раце што почнуваат да се распаѓаат, а бидејќи често се практикува тие да се носат во долната облека или во чевлите толку мирисаат што е речиси невозможно да се користат.
Така луѓето во Зимбабве дошле до решение за овој секојдневен проблем и почнале да ги перат банкнотите на рака или во машина за перење и да ги сушат закачени на штипки покрај чаршавите и останатата облека. Ова се покажало како најдоброто решение – покрај користењето гумени ракавици и средства за дезинфекција – на континент каде американскиот долар е во употреба долго време и каде банкнотите од 1, 2, 5 и 10 долари циркулираат многу подолго одошто била намерата на нивните издавачи.
Препорачаниот метод за перење пари е на рака и во топла вода, но машините за перење исто така се користат. Оние кои пробале не препорачуваат хемиско чистење, бидејќи тоа предизвикува бледнеење на бојата на банкнотите. [Zimbabweans wash dirty US dollars with soap, water]
