Бразил го освои Купот на Конфедерациите откако со убедливи 3-0 ја совладаа Шпанија во финалниот натпревар.
Бразил со доминантна игра во текот на сите 90 минути ја победи Шпанија со фантастични 3-0 и сосема заслужено дојде до триумф во Купот на Конфедерациите.
Доминацијата, серијата без пораз во официјалните натпревари на Шпанија конечно е прекината.
Бразил поведе уште во 2. минута од натпреварот, Фред во пад го совлада Касиљас за водство од 1-0.
Пред самиот крај на првото полувреме, по асистенција од Оскар, Нејмар погоди за предност од 2-0.
Фред постигна гол и во втората минута од второто полувреме за конечни Бразил – Шпанија 3-0.
Шпанија имаше убава можност да се врати во натпреварот, но Серхио Рамос не реализираше удар од белата точка.
Во 68. минута Пике заработи директен црвен картон, тука беше и крајот на сите надежи за Шпанија.
На крајот Бразил сосема заслужено се радуваше на трофејот од Купот на Конфедерациите.
Текстот е објавен во соработка со 24Фудбал
