Во светот постојат голем број луди јахти, но овој нов концепт дефинитвно се заканува да стане најлудиот. Наречена „Тропски островски рај“, оваа јахта била дизајнирана од компанија која се надева дека ова е токму она што го сакаат милијардерите.
Јахтата долга 90 метри е дизајнирана за сместување на 10 гости и е опремена со дизел-електричен погон кој и дава максимална брзина од 15 чворови (27,78 километри на час). Но, она што ќе им го привлече вниманието на повеќето луѓе е вештачкиот „залив“, базенот и вулканот. Дизајнерите Yacht Island Design велат деак вулканот е локација за апартманот на сопственикот, и дека балконот од дневната соба овозможува поглед врз предниот дел од јахтата низ водопадот. Јахтата исто така има мали лебдечки островчиња кои би им овозможиле на сопствениците и нивните гости да уживаат во морето.
