На уморното и суво лице кафената боја само ја влошува ситуацијата. Ако сакате да се освежите за неколку секунди, изберете розови нијанси. Сите шминкери се едногласни: розовите нијанси моментално го „подигнуваат“ целиот изглед, но и расположение.
Најефективно ќе биде ако се определите за светло розово руменило. Ведрината и оптимизмот ќе бидат забележителни по само неколку потези со четката.
Во понудата е и кремастото руменило кое може да го нанесувате и без подлога доколку имате чисто лице.
Доколку сте нерешителни дали да купите розова или некоја друга нијанса, оваа сезона експертите ви препорачуваат да се определите за корална нијанса. Таа е ултимативен хит кога е во прашање оваа пролет.
За правилно да се „замаскирате“ нанесете посветли нијанси на јаболчниците, а на аглите на лицето потемни нијанси на руменило. Исто така, нанесете бела сенка на аглите на очите и нема да се забележат трагите на умор.
