Гостилницата „Ла Тана“ денеска на децата во Домот за деца без родители „11 Октомври“ им подари божиќен ручек.
Претставниците од гостилницата заедно со децата уживаа во добра музика и во вкусна храна. Божиќниот ручек е дел од хуманитарната акција на „Ла Тана“, која беше најавена во последната недела од 2012 година.
– Во текот на една недела одвојувавме 5 отсто од секоја сметка кои денеска ги собравме и со тие средства на децата овде во Домот им подаривме еден навистина убав божиќен ручек. Оваа донација е од гостилницата, но и од сите гости кои во последната недела од 2012 година ја посетија „Ла Тана“. Како и за децата така и за нас ова дружење помина преубаво и навистина сме им благодарни на дечињата кои за нас подготвија прекрасна новогодишна претстава – изјави Горјан Тиковски, сопственик на „Ла Тана“.
Од гостилницата најавуваат дека ваквите хуманитарни акции ќе бидат меѓу приоритетите и во текот на работењето во оваа година.
ПР текст
