Властите на Рим привремено ја забранија традицијата на фрлање монети со десната рака преку левото рамо во познатата Фонтана Ди Треви додека продолжуваат работите за реновирање на знаменитоста на градот од XVIII век и излегоа со алтернатива на оваа традиција, која , сепак, не наиде на одобрување.
Обичајот луѓето, свртени со грбот кон фонтаната Треви да фрлаат паричка со десната рака преку левото рамо, треба да гарантира дека секој што ќе го стори тоа ќе се врати во Вечниот град.
За да ја задржат традицијата и покрај работата на фонтаната, до која пристапот во моментов е блокиран, градските татковци дошле до решение во форма на мал правоаголен сад во кој милионите туристи би можеле да ги фрлат своите монети како завет за враќање во Рим.
Само неколку часа откако „базенот“ беше отворен за посетителите, не требаше долго за потсмев на социјалните мрежи.
„Замислете дека сте поминале неколку часа во авион доа Рим за да ја видите фонтаната Треви, а потоа ќе се најдете пред барикада, пред мал детски базен“, напишал еден млад човек на X. „Какво потсмев е ова? Ова личи на базен на надувување“, додава друг.
Работата на фонтаната Треви, барокна знаменитост која датира од 1762 година, започна пред еден месец. Познатата фонтана треба да биде целосно обновена пред јубилејот во 2025 година, кога ќе се отворат Светите двери на црквата на свети Петар и други цркви.
Одржувањето на фонтаната е дел од една поширока интервенција во рамките на програмата за реставрација на монументалните фонтани во историскиот центар на Рим.
Програмата ги вклучува фонтаните Квиринале и Баракача, како и фонтаните Тартаруге и Тиаре.
Собраните монети – во вредност од околу 3.000 евра секој ден или околу 1,5 милиони евра секоја година – се предадени на хуманитарната организација Каритас од 2001 година, кој ги користи за да им помогне на бездомниците во Рим и на семејствата во финансиски тешкотии.
