(ВИДЕО) Џон Бон Џови ѝ го спаси живот на жена која сакала да се самоубие

Легендарниот музичар Џон Бон Џови бил сведок на неверојатна сцена што се случила во вторникот за време на снимањето на спотот во Нешвил. Музичарот и помогнал на жената која била на работ од пешачкиот мост. Видеата ги сподели локалната полиција, а на нив се гледа како музичарот и приоѓа на жената која стоела на работ. По неколку минути разговор, жената се тргнала на побезбедната страна на мостот и го прегрнала музичарот. Според полицискиот оддел во Нешвил, инцидентот се случил во вторникот вечерта додека 62-годишниот музичар снимал видео спот на патеката. @cnn Nashville police say rock icon Jon Bon Jovi helped persuade a woman to come to safety when he saw her standing on the ledge of a Nashville pedestrian bridge. #cnn #news #bonjovi ♬ original sound – CNN На видеото, објавено од локалната полиција, може да се види како Бон Џови и приоѓа на жената со уште едно лице. Потоа се наведнува на оградата од мостот и ја подига жената. Началникот на полицијата ја пофали постапката на рок ѕвездата. „Сите треба да си помогнеме едни на други да останеме безбедни. Благодариме на Џон Бон Џови и неговиот тим што и помогнаа на жената на мостот Зајгенталер во вторникот вечерта. Бон Џови, заедно со другите, помогнаа да ја убеди да се симне од работ на мостот што беше над реката Камберленд и да се врати на безбедно“, соопшти полицијата, а пренесува Дејли меил.
Извор