5
Поминувањето многу време на Тик ток, а особено гледањето содржини кои промовираат анорексија, ја поткопува самодовербата на младите жени и го зголемува ризикот од нарушувања во исхраната, покажа истражувањето на Универзитетот „Чарлс Стурт“ во Австралија.
– Нашето истражување покажа дека помалку од 10 минути изложеност на содржини кои промовираат анорексија на „Тик-ток“ имаат непосредни негативни последици врз создавањето идеална слика за телото, велат истражувачите во извештајот.
Исто така, истражувачите изјавија дека негативно психолошко влијание може да се случи дури и кога женските корисници не мора да пребаруваат ваков тип на содржина и ја користат оваа социјална мрежа само кратко време.
За борба против овој проблем, авторите на истражувањето препорачуваат построги контроли и регулативи поврзани со промовирање на анорексија, нарушувања во исхраната и тик-ток-содржина која го промовира „идеалното“ тело.
– Во моментов се преземаат чекори за отстранување на опасната содржина, вклучително и блокирање на хаштагови како #anorexia. Сепак, постојат различни начини на кои корисниците ги заобиколуваат овие контроли и потребна е дополнителна регулација, нагласуваат тие.
