Италија сака да ја прогласи веспата за симбол на „националното културно наследство“
Италија се обидува да ги заобиколи европските регулативи за емисиите на штетните гасови со прогласување на скутерот „Vespa“, „бензинец“, за симбол на „неационалното културно наследство“.
Доколку статусот биде одобрен, тоа би значело дека „Vespa“ ќе биде поштедена од ограничувањата за продажба поради нејзините прекумерни емисии на штетните гасови, објавија италијанските медиуми.
Предлогот, кој дојде од редовите на десничарската владејачка партија Лега, предводена од министерот за транспорт Матео Салвини, беше поднесен во парламентот.
Експертите, пак, сметаат дека овој потег е чуден со оглед на тоа што „Vespa“ е достапна и како електричен скутер во неколку верзии кои го задржуваат заоблениот изглед и стил на оригиналниот ICE.
Обидот на Италија ги одразува гласовите во ЕУ кои сакаат да ја одложат планираната забрана за продажба на возила со мотори со внатрешно согорување по крајниот рок до 2035 година. Германија го сака истото за автомобилите што работат на синтетички горива.
„Со оглед на неговата симболична вредност и извонредниот квалитет на изработка, како и неговата историска, уметничка и културна вредност“, мотоциклот „Vespa Piaggio“, патентиран во 1946 година, треба да биде признаен како „национално културно наследство“, се вели во предлогот.
„Вклучувањето на веспата во списокот на возила од национален интерес за да се заштити од какви било ограничувања во сообраќајот е здраворазумски предлог што активно го поддржавме со цел да го одбраниме наследството, митот и италијанскиот симбол на две тркала. познат и ценет низ целиот свет“, рече Салвини.
Салвини рече дека веспата мора да се „вози слободно“, без оглед на какви и да се ограничувања во сообраќајот поврзани со емисиите на штетни гасови. Мотоциклот од марката „Vespa“, со бензински мотор, инаку ќе заврши „смачкана под секирата на европскиот „Зелен договор“, според него.
