Нов модел за препознавање лице со вештачка интелигенција, тестиран на кожа, ја покажал способноста прецизно да се предвиди возраста со помош на слики од раце.
„Хаут.АИ“, компанија за развој на вештачка интелигенција за нега на кожата, истражувала и објавила труд со наслов „Предвидување на човечката хронолошка возраст преку анализа на вештачка интелигенција на слики од горниот дел на раката, наспроти лицето: Студија спроведена на група индиски жени“.
Моделите со вештачка интелигенција обучени за анализирање слики од раце постигнуваат точност
Според соопштението на компанијата, студијата покажала дека моделите со вештачка интелигенција обучени за анализа на слики од раце постигнуваат споредлива точност со оние што користат слики од лице, со просечна грешка од 4,1 и 4,7 години во предвидувањето на хронолошката возраст. Моделот на вештачката интелигенција првенствено бил обучен со користење база на податоци за индиската популација, за да се обезбеди застапеност на различни тонови на кожата и да се одговори на предизвиците во однос на пристрасноста на вештачката интелигенција, особено во однос на етничката припадност во предвидувањето на возраста.
– Нашето истражување покажува дека вашата возраст може да се одреди исто толку прецизно од сликата на вашите раце како и од вашето лице. Ова не само што ги отвора вратите за нови апликации на технологијата со вештачка интелигенција, туку има и потенцијал да ги ублажи предрасудите често поврзани со конвенционалните системи. Ова совршено се усогласува со нашата посветеност за развој на фер и одговорни решенија за вештачка интелигенција – изјавила Анастасија Георгиевскаја, извршен директор на „Хаут.АИ“.
Биле анализирани различни тонови на кожата
Студијата опфатила 1.454 Индијки на возраст од 20 до 80 години, од различни географски групи со различни тонови на кожата. Експериментирањето било во можност да идентификува значајни предвидувачи за возраста, со манипулација на видливи карактеристики на рацете и лицето, особено областите околу внатрешниот агол на окото и устата во однос на лицето, како и текстурата на зглобот на рацете.
Студијата е објавена во списанието „Експериментална дерматологија“.
Извор: Interesting engineering
РЕКЛАМИ
РЕКЛАМИ
