Израел убил повеќе хуманитарни работници во Појасот Газа за шест месеци отколку што биле убиени во сите земји во светот во последните 30 години, според извештајот на Базата на податоци за безбедност на хуманитарните работници (AWSD).
Откако бригадите Ал-Касам, военото крило на Хамас, започнаа напад врз Израел на 7 октомври минатата година, најмалку 203 хуманитарни работници се убиени во израелските напади, се вели во извештајот.
Генералниот секретар на ОН, Антонио Гутереш минатата недела изрази загриженост поради континуираното спречување на хуманитарните работници на ОН да ги извршуваат своите должности во опколениот Појас Газа, особено во северниот дел на палестинската енклава.
Американската организација за помош во храна Светска централна кујна (WCK) потврди дека седум нејзини хуманитарни работници биле убиени во израелски напад во понеделникот во Појасот Газа.
САД го повикаа Израел брзо да спроведе истрага.
-Хуманитарните работници мора да бидат заштитени додека ја доставуваат очајно потребната помош, рече портпаролката на Советот за национална безбедност на Белата куќа, Адриен Вотсон.
