Аргентинскиот готвач Иан Д’Анџело, познат како „кулинарскиот вундерхинд“ почина на 24-годишна возраст, објави изданието Clarin.
Д’Анџело стана познат по неговите настапи во популарните телевизиски емисии како „The Great Kitchen Prize“ ( „El gran premio de la cocina“) и „Masterchef“.
Продуцентите на гледането кулинарско телевизиско шоу „The Great Kitchen Prize (El Trece)“, во чија петта сезона ѕвезда стана Д’Анџело потврди дека во понеделникот младиот маж бил принајден мртов во неговиот дом во местото Касерос.
Според Наташа Сантил Рамирез, којашто последна го видела жив, двајцата вообичаено целата сабота работеле во ресторан и разговарале за настапите во кулинарското натпреварување TN Show. По полноќ кон неделата, Д’Анџело кој не се чувствувал добро со автобус заминал дома, но според неа не се чувствувал добро, иако според прегледите поради работата бил „супер здрав“.
Таа вели дека од пороците младиот човек само пушел цигари и речиси не консумирал алкохол, а особено водел сметка за исхраната и дури не пиел газирани пијалаци.
Во понеделникот Д’Анџело вообичаено требало да се јави на работа, но бидејќи не одговарал на телефонските повици и пораки, Наташа со уште една другарка решиле да отидат во неговиот дом. Успеал да влезат во куќата преку таванот и го пронашле момчето во кревет, но веќе без знаци на живот.
Според полицијата, Д’Анџело починал од срцев удар веднаш откако се вратил од работа и лежел во постелата два дена додека не го пронашле неговите пријателки.
