Аудито на Груби е купено од „Еуроком Лајтинг“, која од градежна фирма преземала хотел на Шапка по цена од гарсоњера, велат од опозициската ВМРО-ДПМНЕ.
Според податоците кои излегоа во медиумите, Еуроком Лајтинг е фирма која за само 55.000 евра купи хотел на Попова Шапка од една градежна компанија, која потоа добива милионски тендер од власта. Медиумите пишуваа дека Еуроком Лајтинг го добила хотелот како предуслов градежната фирма да го добие тендерот. Според нашите информации, Аудито на Груби е ново, произведено во 2021 година, и истото според кажаното и на самите министри на ДУИ е возило на Артан Груби.
Која фирма и кој бизнисмен купува и му отстапува возило од 80.000 евра на политичар на услуга? Што е тоа што Груби го направил за фирмата и за тој бизнисмен за да добие на поклон за користење Ауди А6? Дали всушност Груби стои зад фирмата Еуроком Лајтинг, или тој е во одредени односи со истата и какви се тие односи? Кога приватна фирма дава услуга на политичар без надомест, во износ од 80.000 евра, очигледно е дека се работи за корупција“, прашуваат од ВМРО-ДПМНЕ.
Тие бараат, како што велат, „институциите конечно да се охрабрат и да отворат постапка против Груби“.
