Демократската унија за интеграција (ДУИ) е „шокирана од одлуката на Стејт департментот“ да го прогласи струшкиот градоначалник од нивните редови, Рамиз Мерко, за непожелна личност на САД. Сепак, од ДУИ велат дека ќе ја почитуваат одлуката и ќе ја анализираат во наредните денови.
Извори од партијата велат дека во наредните денови се очекува средба на претседателот на „интегративците“ – Али Ахмети, со претставници на Американската амбасада, по што ќе одлучи дали ќе побара оставка од Мерко.
ДУИ секогаш била за ветинг на сите функционери, изјави денеска министерот за образование и наука и висок функционер на партијата, Јетон Шаќири.
„ДУИ како политичка партија секогаш била за ветинг и ДУИ го бара ветингот за сите функционери кои доаѓаат од централно и локално ниво“, рече тој, прашан за Мерко.
Извор: МИА
