Руските власти денеска издадоа потерница по популарниот писател на научна фантастика – Дмитриј Глуховски, светски познат по новелата „Метро 2033“ и последувателните „Метро 2034“ и „Метро 2035“, кои го инспираа и истоимениот мега-популарен серијал видео игри. Кремљ го товари за ширење лажни информации „за воената операција“ во Украина.
Глуховски, на социјалната мрежа Телеграм, напиша дека е обвинет затоа што наводно ги дискредитирал руските вооружени сили на Инстаграм.
„Подготвен сум да повторам сѐ што напишав, а тоа е: Стоп за војната! Признајте дека ова е војна против целиот народ и прекинете ја“, порача писателот.
Како што стои на веб-страната на руското МВР, Глуховски се бара по неопределен член од кривичниот закон.
Руските власти претходно ги таргетираа опозициските личности и новинарите според законот кој предвидува затворски казни до 15 години за „намерно ширење лажни“ вести „за руската војска“.
Глуховски е првата важна личност од светот на културата по која е распишана потерница поради кршење на законот донесен неколку дена откако Русија изврши инвазија врз Украина на 24 февруари.
Извор: МИА
